或許我快要忘記，
幸好還能在yahoo blog結束前留下這一切。
我的女兒-黃圓圓：
2007年5月我帶左你同滿滿返屋企,仲記得因為我唔知鼠鼠係獨居生物,你同滿滿打架打到死,我成晚無訓過覺,第2日即刻去買個籠分開你地,o個時你自己霸晒成個 I●IS籠 ,你好開心周圍走,仲即刻去跑o個個大轉轉,見到你跌完一次又一次,你都仲要去跑,終於跑左幾日你就控制得好好,我好鐘意睇住你跑步,真係好得意。
呢一年,你陪左我好多開心、失落架日子,你會訓係度聽我講我開心架事,見住你好眼訓都要聽,我講完你先望一望我,好似問：媽媽你講完啦?咁我去訓啦..就番屋仔訓…然後每一日朝早、返到屋企,只要我係屋企,你就要咬籠叫我同你玩、俾零食你食…每當我叫「圓圓豬」,你知飛出黎係籠邊等我,你真係好叻、好醒。
兩個星期前,我做錯野,放左鼠沙落你個籠度,你食左就肚痾啦,我做盡一切我做到架野,以為咁樣你會好番,但我點解唔帶你去睇醫生?點解?我自己都諗左好耐…點解呢?係因為我成日覺得無事,唔洗睇醫生,自己識好番,又好番緊…我真係傻,就算醫生抱唔到你,但十成九佢都識醫…點解我要等你死左我先諗得通呢d野,我成日口口聲聲教人鼠鼠有病要帶佢去睇醫生,而我呢?我做過d咩野?我唔係無錢,唔係無時間,更加唔係唔想理你…
對唔住啊,圓圓,我呢個做阿媽做到咁衰,你呢個囡都肯等我番黎見你最後一面…我知道你可以能怨我、鬧我…我知錯架啦…你原諒媽媽好唔好?
2008年6月1日你離開左我地,去左彩虹橋啦…到而家我都覺得你係度,因為你留底左好多美好架回憶俾我,我會好好記住,因為你係我個囡-黃圓圓,我永永遠遠都咁愛你,你要好好去彩虹橋,去跟媽媽d朋友架仔仔囡囡玩,o個度你可以無病無痛,開開心去跑草地,仲有好多天竺鼠朋友仔啊!!媽媽同d細佬妹有一日都會去o個度搵你,然後再次一齊生活,到時媽媽就會叻好多,再唔係一個蠢媽媽啦。
蠢媽媽
拉比藍
5-6-2008
沒有留言:
張貼留言