(back up)(日誌)沖涼

2008年8月17日下午2:57由yahoo blog back up

奶油唔見左我兩日,奶油阿婆話佢有d唔開心,同埋成日發脾氣...

死啦,我有d感染左黑店d性格,有時好「炆」,

見到奶油發脾氣賴尿,竟然一手捉佢去角落,鬧左一番,

結果隻豬仔覺得好唔開心,扁晒嘴仔,

我先知道太過份啦...對唔住啊,呢個我一定會改,

但鬧完之後佢就無嘜再賴尿啦xd因為佢無見過我發佢脾氣啊

奶油阿婆話奶油個肚好污糟,但其實已經好左好多,

因為又用多左d格仔板...不過見到d板咁硬我好心痛...

諗緊俾d毛巾等佢地腳仔無咁痛啦,

於是同奶油honey沖涼,奶油淨洗pat,honey洗全身~

結果打左2日工,學有所成,

剪指甲無難度,3隻豬仔見到我捉得佢地郁都郁唔到,即刻呆左無再掙扎,

拖肥婆話今次剪指甲0難度,

奶油覺得好灰,因為平時佢一郁我就無佢乎,要休息再剪,

今次唔洗,1 take 過,我諗我可以幫其他小天剪啦,我好有信心唔會剪親佢地...

沖涼又係,從來無試過咁定咁乾淨,

沖得好開心啊xddd

Honey：今次連自己d味都無埋,好慘

藍：咁先叫乾乾淨淨啊嘛,比出面d狗仲香十幾倍~

奶油：點解今日阿媽咁厲害,我掙札唔到佢架魔掌啊

藍：呢d叫學有所成,你咁惡死我都對付到,以後接job無難度...

睇下奶油個衰樣

奶油：企定定,前腳一定唔可以落水!!

奶油：好危險啊...跌左落去都唔知點算,一定要扶實!!阿媽,你唔好影啦,快d救我!!

藍：你咁得意,點可以唔影...好難得你唔郁企到咁定~(大笑)

奶油：咁你即係玩野姐!!

奶油：好啦!影完收機啦,快d同我沖涼