(back up)(日誌)滿滿,一路好走

2008年9月6日上午1:50由yahoo blog back up

呢幾日,滿滿身體機能衰退得好快,

前日突然間訓得好多,郁得好少,仲呼吸開始加速...

之前我以為佢彌留緊,就黎唔係度,

不過原來只係老人病,佢連最簡單架吞野食都唔得,

我每日都同佢講：

你辛苦,就走啦,圓圓會係彩虹橋等你架。

佢只係望兩下,又繼續訓...

我真係好少好少會抱佢,因為佢性格太膽小啦,

細個無抱開,大個見到人隻手會反肚大叫,

但呢兩日連反應都無,我第1次俾佢落地行,佢表現得好開心啊...

琴日佢其實已經好辛苦,周圍訓,

有幾分鐘佢清醒,就會想去轉轉度跑一兩分鐘,

我好心痛啊,見到佢咁樣,但自己又唔想佢走...

好矛盾啊

終於,星期六朝早,

我起身去望佢o個時,已經無左呼吸,

佢好似平時咁訓左咋,身體已經僵硬左,一抱佢出黎,d眼淚已經不停咁流出黎,

抱住佢喊左一陣,一方面好唔捨得,一方面又覺得佢無晒痛苦,同圓圓一齊,

拖肥婆話朝早見佢仲係有呼吸,估唔到過左2個鐘頭就...

我放左佢落個盒度,就打電話去火化公司book時間,

番工前就帶左佢去,然後講左d細節就去番工...

放工就去帶佢番屋企啦。

滿滿,媽媽確實唔係一個好阿媽,

但我希望你到彩虹橋,會應承媽媽,同圓圓好好地生活,知唔知?

圓圓,記得照顧妹妹啊!

媽媽永遠都會咁錫你地兩個架。I love you all forever!